ഗട്ടറിൽ ഉള്ള ഒരു റോഡ്

കഴിഞ്ഞ ദിവസം എനിക്ക് തലസ്ഥാന നഗരി വരെ ഒരു അത്യാവശ്യ കാര്യത്തിന് പോകേണ്ടി വന്നു. നിർഭാഗ്യവശാൽ എനിക്ക് NH-47 വഴി പോകാനും ആണ്‌ തോന്നിയത്. നമ്മുടെ ഗതാഗതമന്ത്രിയെ വിശ്വസിച്ചത് തന്നെയാണ് ഇതിലെ നിർഭാഗ്യം എന്ന് ഞാൻ സൂചിപ്പിച്ചത്...
10കുഴി അടക്കേണ്ട സമയത്ത് കുഴി എണ്ണി പഠിച്ച ലോകത്തെ ആദ്യത്ത മന്ത്രിയെ നമുക്ക് കിട്ടിയത് നമ്മുടെ ഭാഗ്യം. ഇതിന്‌ ഉള്ള ഭാഗ്യം തന്ന ദൈവത്തിനെ ഞാൻ കൈകൂപ്പി തൊഴുന്നു.
യാത്ര തുടങ്ങിയത് ഹരിപ്പാട് നിന്ന്. ഓച്ചിറ വരെ വലിയ കുഴപ്പം ഇല്ലായിരുന്നു. കൊല്ലം ജില്ലയിൽ കടന്നതും ഒരു ഭൂമി കുലുക്കം വന്ന പോലെ വണ്ടി കിടന്ന് ഉലയാൻ തുടങ്ങി. ഞാൻ സൂക്ഷിച്ച് ഒന്ന് നൊക്കി. ഏയ്! വഴി ഒന്നും തെറ്റിയിട്ടില്ല. നമ്മുടെ അഭിമാനമായ നാഷണൽ ഹൈവെ തന്നെ. പക്ഷെ ആ നീണ്ട് നിവർന്ന് കിടക്കുന്ന റോഡ് കണ്ടപ്പോൾ നല്ല പരിചയം. അതെ! ഭ്രമരം എന്ന പടത്തിൽ മോഹൻലാൽ തന്റെ സുഹൃത്തുക്കളെ തന്റെ വീട് കാണിക്കാൻ കൊണ്ട് പോകുന്ന വഴി ഇല്ലേ? അതിന്റെ സഹോദരൻ തന്നെ ഈ റോഡ്!!!
പുറകിൽ ഇരുന്ന് എന്റെ ബോംബെക്കാരൻ uncle പിറുപിറുക്കുന്നുണ്ട്. ഇവിടെ smart city അല്ല, വേറെ ഒരു city ആണ്‌ വരേണ്ടത് എന്ന് പറയുന്നത് കേട്ടു. സഭ്യതയുടെ അതിരു ലംഘിക്കുന്നത് കൊണ്ട് ഞാൻ ഇവിടെ അത് എഴുതി ചേർക്കുന്നില്ല. അങ്ങനെ ഒരു നാണം കുണുങ്ങി പെണ്ണിനെ പോലെ എന്റെ കാർ കുണുങ്ങി കുണുങ്ങി എല്ലാ ഗട്ടറും കയറി ഇറങ്ങി.
മുന്നിലേക്ക് നോക്കിയിട്ട് road എന്ന ഒരു സംഭവമേ കാണാൻ ഇല്ല. റോഡിന്റെ ഇടയിൽ ഉള്ള ഗട്ടർ അല്ല, ഗട്ടറിന്റെ ഇടയിൽ ഉള്ള ഒരു റോഡ് ആണ്‌ എന്റെ മുന്നിൽ കാണുന്നത് എന്ന് എനിക്ക് ഒരു നിമിഷം തൊന്നി.
സ്വദേശി ആയ എനിക്ക് ഇത്ര വിഷമം തോന്നി എങ്കിൽ ഇവിടെ വരുന്ന ഒരു വിദേശിയുടെ കാര്യം ഞാൻ ഒരു നിമിഷം ആലോചിച്ചു. അതൊക്കെ ഓർത്ത് ശാന്ത മൂകൻ ആയിരുന്ന നിമിഷത്തിൽ uncle അടുത്ത ബോംബ് ഇട്ടു.
കുഴി എണ്ണി, ഗട്ടർ അടക്കണം എന്ന് പറഞ്ഞു മന്ത്രി മന്ദിരത്തിൽ സുഗലോലുപൻ ആയി ഇരിക്കുന്ന മന്ത്രിയുടെ തലയിൽ അഴിഞ്ഞ് കിടക്കുന്ന nut & boalt വേണം ആദ്യം ടാർ ഇട്ട് ഉറപ്പിക്കാൻ എന്ന് പുള്ളി പറഞ്ഞതിലെ ഫലിതം എന്നെ തിരിച്ച് വീട്ടിൽ എത്തിക്കുന്ന വരെ ചിരിപ്പിച്ച്കൊണ്ടേ ഇരുന്നു...